ടോളിനെതിരെ സമരം ശക്തിയാര്‍ജിക്കുന്നു
ആമ്പല്ലൂര്‍: ദേശീയപാത പാലിയേക്കരയിലെ ടോള്‍ പിരിവിനെതിരെയുള്ള ജനകീയ സമരം പൂര്‍വാധികം ശക്തിയാര്‍ജിക്കുന്നു. ടോളിനെതിരെയുള്ള വര്‍ധിത വികാരം പ്രകടമാക്കുന്നതായിരുന്നു ഞായറാഴ്ച നടന്ന സമരസംഗമം. സംയുക്ത സമരസമിതിയില്‍ അംഗങ്ങളായ സോളിഡാരിറ്റി, പി.ഡി.പി, സി.പി.ഐ, സി.പി.ഐ(എം.എല്‍), കെ.പി. എം.എസ്, എസ്.എന്‍.ഡി.പി, ദേശീയ പാത സംരക്ഷണസമിതി, മനുഷ്യാവകാശ സംരക്ഷണ കേന്ദ്രം, ബസ് ഓപറേറ്റഴ്സ് അസോസിയേഷന്‍, ലോറി ഓണേഴ്സ് അസോസിയേഷന്‍ വ്യാപാരി വ്യവസായി ഏകോപനസമിതി തുടങ്ങി മുപ്പതോളം സംഘടനയെ പ്രതിനിധീകരിച്ചത്തെിയ പ്രവര്‍ത്തകര്‍ സര്‍ക്കാറിനെതിരെയും ബി.ഒ.ടി കമ്പനിക്കെതിരെയും മുദ്രാവാക്യം വിളിച്ചു.
അനിശ്ചിതകാലസമരം തുടങ്ങും
ആമ്പല്ലൂര്‍: ദേശീയപാതയില്‍ പാലിയേക്കരയിലെ ടോള്‍ പിരിവിനെതിരെ സമരസമിതി പ്രവര്‍ത്തകര്‍ അനിശ്ചിതകാല നിരാഹാര സമരം നടത്തും. തിങ്കളാഴ്ച രാവിലെ മുതല്‍ നടക്കുന്ന സമരത്തില്‍ ജില്ലാ പഞ്ചായത്തംഗം കല്ലൂര്‍ ബാബു, എം.വി. റഫീഖ്, പി.സി. അജയന്‍, സി.എ. അജിതന്‍, സി.കെ. കൊച്ചുകുട്ടന്‍ എന്നിവര്‍ നിരാഹാരം അനുഷ്ഠിക്കും.
No comments:
Post a Comment