Posted on: 22 Apr 2010
ന്യൂഡല്‍ഹി: ദേശീയപാത വികസനം പുനഃപരിശോധിക്കണമെന്ന മുഖ്യന്ത്രിയുടെയും സര്‍വകക്ഷി യോഗത്തിന്റെയും തീരുമാനത്തില്‍ സി.പി.എം. നയം വ്യക്തമാക്കണമെന്ന് മുന്‍ എം.പി. ഡോ. കെ.എസ്. മനോജ് ആവശ്യപ്പെട്ടു. ഈ വിഷയത്തില്‍ താന്‍ പാര്‍ലമെന്റില്‍ സബ്മിഷന്‍ ഉന്നയിച്ചപ്പോള്‍, സി.പി.എം. സംസ്ഥാന കമ്മിറ്റിയംഗവും കണ്‍ട്രോള്‍ കമ്മീഷന്‍ അംഗവും എം.പി. യുമായിരുന്ന പി. രാജേന്ദ്രന്‍ തന്റെ നടപടി പാര്‍ട്ടി തീരുമാനത്തിന് വിരുദ്ധമാണെന്ന് പറഞ്ഞ് ശാസിച്ചിരുന്നു. പാര്‍ട്ടി നിയന്ത്രത്തിലുള്ള വ്യാപാരി -വ്യവസായി സമിതിയും ദേശീയപാത അതോറിട്ടിയുടെ നടപടിക്കെതിരെ ആദ്യം രംഗത്ത് വന്നിരുന്നു. പിന്നീട്, പാര്‍ട്ടി ശാസനപ്രകാരം പിന്‍മാറുകയായിരുന്നു. ഇക്കാര്യത്തില്‍ ഒളിച്ചുകളി നടത്താതെ സി.പി.എം. നയം വ്യക്തമാക്കണമെന്നും കെ.എസ്. മനോജ് ആവശ്യപ്പെട്ടു.
No comments:
Post a Comment