14/04/2012
ആമ്പല്ലൂര്‍: കംപ്ളീഷന്‍ സര്‍ട്ടിഫിക്കറ്റില്ലാതെയാണ് ദേശീയപാതയില്‍ പാലിയേക്കരയില്‍ ടോള്‍ കമ്പനി ടോള്‍ പിരിവ് നടത്തുന്നതെന്ന ടോള്‍ വിരുദ്ധ സമരസമിതിയുടെ ആരോപണം സര്‍ക്കാറിന്‍െറ ശ്രദ്ധയില്‍ കൊണ്ടുവരുമെന്ന് ജില്ലാ കലക്ടര്‍ പി.എം. ഫ്രാന്‍സിസ്. നിശ്ചിത സമയപരിധിക്കകം ദേശീയപാത നിര്‍മാണം പൂര്‍ത്തിയാക്കാതെ അനധികൃതമായാണ് കമ്പനി ടോള്‍ പിരിവ് നടത്തുന്നതെന്ന് ആരോപിച്ച് കഴിഞ്ഞ ദിവസം സംയുക്ത സമരസമിതി നേതൃത്വത്തില്‍ ദേശീയപാത ഉപരോധിച്ചിരുന്നു. തുടര്‍ന്ന് വിഷയം സംബന്ധിച്ച് ചര്‍ച്ച നടത്തുമെന്ന കലക്ടറുടെ ഉറപ്പിന്മേലാണ് സമരസമിതി ഉപരോധം അവസാനിപ്പിച്ചത്. ഇതുപ്രകാരം വെള്ളിയാഴ്ച കലക്ടറുടെ ചേംബറില്‍ നടന്ന ചര്‍ച്ചയിലാണ് സമരസമിതിയുടെ ആരോപണം സര്‍ക്കാറിന്‍െറ ശ്രദ്ധയില്‍ കൊണ്ടുവരുമെന്ന് സമിതിക്ക് കലക്ടര്‍ ഉറപ്പുനല്‍കിയത്.
http://www.madhyamam.com/news/163425/120414
Subscribe to:
Post Comments (Atom)
No comments:
Post a Comment