Sunday, February 19, 2012

ചേറ്റുവ ടോള്‍: നിരാഹാരം ആറാം ദിനത്തില്‍

ചേറ്റുവ ടോള്‍: നിരാഹാരം ആറാം ദിനത്തില്‍

ചാവക്കാട്: ചേറ്റുവ ടോള്‍ അധികൃതര്‍ വാക്ക് പാലിക്കണമെന്നാവശ്യപ്പെട്ട് പി.ഡി.പി ജില്ലാ പ്രസിഡന്‍റ് ടി.എം. മജീദ് നടത്തുന്ന നിരാഹാര സമരം ആറാം ദിവസത്തിലേക്ക്. സ്ത്രീകളും കുട്ടികളുമടങ്ങിയ ചേറ്റുവ കരുണ കൂട്ടായ്മയിലെ വനിതകള്‍ സമരത്തിന് അഭിവാദ്യം അര്‍പ്പിച്ചു.
കോട്ടപ്പുറം മുതല്‍ അണ്ടത്തോട് വരെയുള്ള തീരദേശത്ത് എട്ടിന് ഹര്‍ത്താല്‍ പ്രഖ്യാപിച്ചതായി സംസ്ഥാന വൈസ് ചെയര്‍മാന്‍ കെ.ഇ അബ്ദുല്ല പറഞ്ഞു. ഹസീബ ഉബൈദ് മജീദിന് ഹാരാര്‍പ്പണം നടത്തി.
സഹീം അസീസ്, ലീല രാജന്‍, ഗീത, സൈന മുഹമ്മദ് എന്നിവര്‍ വനിതാ കരുണാകൂട്ടായ്മക്ക് നേതൃത്വം നല്‍കി. നാഷനല്‍ സെക്യുലര്‍ കോണ്‍ഫറന്‍സ് സംസ്ഥാന സെക്രട്ടറി നൗഷാദ് തെക്കുംപുറം, ബി.എസ്.പി ജില്ലാ സെക്രട്ടറി സുരേഷ് തച്ചപ്പിള്ളി, മനുഷ്യാവകാശ കമീഷന്‍ അംഗം പി.എസ്. ഉമ്മര്‍, നാട്ടു വൈദ്യ അസോസിയേഷന്‍ അഖില മലബാര്‍ ജന. സെക്രട്ടറി എ.ജി. ഷണ്‍മുഖ വൈദ്യര്‍, കടപ്പുറം പൗരസമിതി ശറഫുദ്ദീന്‍ മുനക്കകടവ്, വാടാനപ്പള്ളി സോളിഡാരിറ്റി യൂനിറ്റ് സെക്രട്ടറി കെ. ഹംസ, നാട്ടിക ഏരിയ ജമാഅത്തെ ഇസ്ലാമി സെക്രട്ടറി പി.എ. അഹമ്മദ്കുട്ടി എന്നിവര്‍ വ്യാഴാഴ്ച സമരപ്പന്തലിലത്തെി അഭിവാദ്യങ്ങളറിയിച്ചു.
കൃഷി മന്ത്രി മോഹനന്‍ ചേറ്റുവ ടോള്‍ വഴിപോകുന്നതറിഞ്ഞ് പി.ഡി.പി പ്രവര്‍ത്തകര്‍ കൊടിയുമായത്തെി മുദ്രാവാക്യങ്ങള്‍ മുഴക്കി. മന്ത്രി അഭിവാദ്യമര്‍പ്പിച്ച് കടന്നുപോയതായി പി.ഡി.പി പ്രവര്‍ത്തകര്‍ പറഞ്ഞു.

No comments:

Post a Comment