Sunday, February 19, 2012

ചേറ്റുവ ടോള്‍: പി.ഡി.പി നിരാഹാരം തുടങ്ങി

ചേറ്റുവ ടോള്‍: പി.ഡി.പി നിരാഹാരം തുടങ്ങി


ചാവക്കാട്: മുഖ്യമന്ത്രിക്ക് വിവരമില്ളെന്ന് പറയാന്‍ പോലും ധൈര്യം കാണിക്കുന്ന ഉദ്യോഗസ്ഥര്‍ ജീവിക്കുന്ന നാട്ടില്‍ എങ്ങനെയാണ് നീതി ലഭിക്കുകയെന്ന് മനുഷ്യാവകാശ പ്രവര്‍ത്തകന്‍ ജോയ് കൈതാരം. ചേറ്റുവ ടോള്‍ പിരിവ് അവസാനിപ്പിക്കുന്നതില്‍ ജില്ലാ ഭരണകൂടം പി.ഡി.പിക്ക് നല്‍കിയ വാക്ക് പാലിക്കണമെന്നാവശ്യപ്പെട്ട് പി.ഡി.പി ജില്ലാ പ്രസിഡന്‍റ് ടി.എം. മജീദ് നടത്തുന്ന അനിശ്ചിതകാല നിരാഹാരം ഉദ്ഘാടനം ചെയ്യുകയായിരുന്നു അദ്ദേഹം. കഴിഞ്ഞ വാരത്തില്‍ പി.ഡി.പി നടത്തിയ ടോള്‍ പിടിച്ചെടുക്കല്‍ സമരത്തിന്‍െറ തുടര്‍ച്ചയായാണ് നിരാഹാര സമരം. എന്‍.എച്ച്. 17 ആക്ഷന്‍ കൗണ്‍സില്‍ ചെയര്‍മാന്‍ ഇ.വി. മുഹമ്മദലി, പി.ഡി.പി സി.എ.സി അംഗം മുജീബുറഹ്മാന്‍, ജില്ലാ സെക്രട്ടറി സലീം കടലായി, സമരസമിതി ചെയര്‍മാന്‍ എ.എച്ച്. മുഹമ്മദ്, സമരസമിതി കണ്‍വീനര്‍ കെ. ഹുസൈന്‍ എന്നിവര്‍ സംസാരിച്ചു. മൂന്നാംകല്ലിനടുത്തുനിന്ന് പ്രകടനമായാണ് പ്രവര്‍ത്തകര്‍ നിരാഹാരപ്പന്തലില്‍ എത്തിയത്.

No comments:

Post a Comment