വികസനം കോര്‍പറേറ്റ് കമ്പനികളുടേതായി മാറി- അജിത
ആമ്പല്ലൂര്‍: വികസനമെന്നത് കോര്‍പറേറ്റ് കമ്പനികളുടെ വികസനമായി മാറിയെന്ന് കെ. അജിത. ദേശീയപാത പാലിയേക്കരയിലെ ടോള്‍ വിരുദ്ധ സമരം ശക്തമാക്കുന്നതിന്‍െറ ഭാഗമായി സംയുക്ത സമരസമിതി സംഘടിപ്പിച്ച സമരസംഗമം ഉദ്ഘാടനം ചെയ്യുകയായിരുന്നു അവര്‍.
കോര്‍പറേറ്റ് മുതലാളിമാര്‍ക്ക് മണ്ണും വിഭവങ്ങളും ചൂഷണം ചെയ്യാന്‍ ഒത്താശ ചെയ്ത് കൊടുക്കുകയാണ് മാറി വരുന്ന സര്‍ക്കാറുകള്‍. വികസനമെന്നത് ആരുടെ വികസനമാണെന്ന് ചോദിക്കാന്‍ ഇവിടെ ഒരുസര്‍ക്കാറുമില്ല. ടോള്‍ വിരുദ്ധ സമരസമിതി ചെയര്‍മാന്‍ സി.ജെ. ജനാര്‍ദനന്‍ അധ്യക്ഷത വഹിച്ചു. ജനറല്‍ കന്‍വീനര്‍ പി.ജെ. മോന്‍സി, സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ്, ജോയ് കൈതാരത്ത്, രാജേഷ് അപ്പാട്ട്, സുരേഷ് നെന്മണിക്കര, ടി.കെ. രവീന്ദ്രന്‍, പി.സി. ഉണ്ണിച്ചെക്കന്‍, എം.എന്‍. രാവുണ്ണി, ടി.പി. ശ്രീശങ്കര്‍, എം.ആര്‍.മുരളി, ടി.എന്‍. സന്തോഷ്, ആര്‍.കെ. ആശ, രവി തേലത്ത്, അഡ്വ. ജോബി പുളിക്കന്‍, ഇ.വി. മുഹമ്മദാലി, ടി.കെ. വാസു, വി.എസ്. പ്രിന്‍സ്, കല്ലൂര്‍ ബാബു എന്നിവര്‍ സംസാരിച്ചു.
വൈകീട്ട് അഞ്ചോടെ ആമ്പല്ലൂരില്‍ നിന്നും ആരംഭിച്ച പ്രകടനത്തില്‍ സ്ത്രീകളും കുട്ടികളും ഉള്‍പ്പെടെ നൂറുകണക്കിന് സമരസമിതി പ്രവര്‍ത്തകര്‍ അണിനിരന്നു. ടോള്‍ പ്ളാസക്ക് നൂറു മീറ്റര്‍ അകലെ പൊലീസ് പ്രകടനം തടഞ്ഞു. തുടര്‍ന്ന് പ്രവര്‍ത്തകര്‍ റോഡില്‍ കുത്തിയിരുന്നു. സമരക്കാരെ പ്രതിരോധിക്കാനായി ചാലക്കുടി ഡിവൈ.എസ്.പി പി.കെ. രഞ്ജന്‍െറ നേതൃത്വത്തില്‍ 1500ല്‍പരം പൊലീസുകാരെ സ്ഥലത്ത് വിന്യസിച്ചിരുന്നു. ജലപീരങ്കിയും സജ്ജമാക്കിയിരുന്നു.
No comments:
Post a Comment